Garlic for Weight Loss: Sharir Ki Atirikt Charbi Ghataye

Vajan kam karne ke liye aapne na jane kitni hi koshishe ki hogi. Lekin jaisa ki ham sabhi jante hai yeh itna aasan nahi hai. Isme kaafi wakt lagta hai, aur yahi karan hai ki adhiktar log ise bich mai hi chod dete hai.

To kya vajan kam karne ka koi aasan tarika hai? Lehusn mai kuch aese gun chupe hai jiski madad se aap apna vajan kam kar sakte hai. To bus iska istemal kariye aur aapko roj roj gym mai ghanto bitakar kadi mehnat bhi nahi karni padegi.

Lehsun ke appetite suppressant hai. Darahsal iski tej gandh, mastishk mai trapti kendra ko uttejit karti hai, jisse ki bhukh lagne wali feelings kam hoti hai. Lehsun hamare sharir mai norepinephrine ka risav karti hai jo ki ek neurotransmitter hai, isse sharir ki chayapachay(metabolism) prakriya sudharti hai aur vajan kam hota hai. To chaliye vistar se jante hai Garlic for Weight Loss ke bare mai.

Vajan ghatana bahut hi mushkil kaam hai. Khas tour par jab aap vyayam aur dieting jaisi chizo ko nahi apna rahe hai. Aese mai kuch gharelu aushdhiya aapka vajan ghatane mai madad karti hai. Lehsun vajan ghatane mai madadgar hai. Yeh aapke metabolism ko badhata hai jisse aapki sharir ki calorie kam hoti hai aur aap bina jyada effort lagaye apne vajan ko kam kar sakte hai. Aaiye jane Weight Loss With Garlic kaise hota hai?
 

How to Use Garlic to Lose Fat: Kaise Istemal Kare?

• 3 Lehsun Ki Kaliya
• 1 Nimbu Ka Ras
• 1 Cup Pani

 
Vidhi:-

1. 1 cup pani mai, 1 nimbu ka ras dale.
2. Lehusn ki teen kaliya chaba chaba kar khale aur uske bad nimbu pani pile.
3. Iss process ko rojana khali pet try kare. 2 hafto ke aaspas aapko fark dikhne lagega.

 
Lehsun ko khane se to vajan ghatata hi hai, lekin upar batai gayi recipe se aapko doguna fayda milega. Kyoki kuch sodho ke anusar nimbu bhi vajan ko ghatane mai aapki kaafi madad karta hai. Jo log obesity ki samasya se pareshan hai unke liye to upar bataya gaya pey bahut hi faydemand hai.

Nimbu mai acchi matra mai vitamin c hota hai, jisse aapka sharir fat cells se calcium absorb kar pata hai aur aapke sharir se fat burn ho pata hai.
 

Garlic Extract + Exercise

Lehsun se aapke vajan ghatne mai badhotari hoti hai jab iske sevan ke sath sath aap apni dincharya mai vyayam ko bhi shamil karte hai. Nutrition Research and Practice ne June 2012 mai ek adhyan kiya.

Isme lehsun ko aahar mai shamil karwaya gaya sath hi sath vyayam ko bhi. Yeh adhyan yeh dekhne ke liye kiya gaya tha ki kya isse post menopause ke bad mahilao ke hriday se sambandhit jokhim kam hote hai ya nahi.

Teen mahino tak kuch mahilao ko Garlic Extract diya gaya aur exercise ko bhi unki dincharya mai shamil kiya. Wahi kuch mahilao ko placebo treatment diya gaya. Jo parinaam dekhne ko mila wo aascharya janak tha. Jin mahilao ne lehusn liya tha unke vajan placebo theory lene wali mahilao ki tulna mai kafi kam tha.
 

Lehsun aur Charbi Ka Ghatna

November 2011 mai, The Journal of Nutrition ek adhyan kiya. Yeh adhyan chuho par kiya gaya tha. Darahsal kuch chuho ko pehle kuch dino tak high fat ka aahar diya gaya. Iske bad 1 hafte tak aadhe chuho ko lehsun aur placebo diya gaya.

Iska parinaam yeh tha ki jin chuho ko lehsun diya gaya unme vajan ka ghatna dekhne ko mila. Wahi jin chuho ko placebo diya gaya unka vajan kam nahi hua tha.

Jin chuho ko lehsun khilaya gaya tha unke sharir ka tapman bhi bahut jyada tha shayad yahi wajah hai ki chuho ke sharir ki charbi jali. Yeh parinaam wakai dekhne layak to the. Lekin abhi yeh sodh keval chuho par hua tha. Adhyan abhi chota tha, iske prabhav manav mai bhi aese hi dikhe yeh jaruri nahi hai.
 

Side Effects Bhi Jaan Le

Lehsun se keval vajan hi nahi ghatata balki swashya se jude kai aur bhi fayde milte hai. Garlic Benefits for Weight Loss to aapne jaan liya ek bar iske side effect par bhi aapko dhyan de dena chahiye. Par ise lene se nimn raktchaap ho sakta hai aur gastrointestinal issue bhi aa sakte hai. Isliye ise supplement ki tarah lene se pehle apne chikitsak se jarur sampark kar le.
 
Upar aapne jana Garlic for Weight Loss in Hindi. Ham aapko batana chahte hai ki aapki jivansheli ka bhi aapke sharir par bahut prabhav padhta hai. Isliye yadi aap vajan ghatana chate hai to tala-bhuna aahar lene se bache aur jyada se jyada phal aur sabjiyo ko apne aahar mai shamil kare.